Инсон борки бирон касб, хунар эгаллашга интилади. Ўқийди, ўрганади, изланади. Биз тилга олмоқчи бўлган йигит ҳам Қорасув шаҳрида яшаб, кўплаган юртдошларимиз дардига малҳам бағишлаган Толиб отага шогирд бўлди. Шогирднинг ғайратига, синчковлигига қизиқиб қолган табиб Толиб ота унга табиий гиёҳлардан дори-дармонларни тайёрлаш усулларини аста-секинлик билан ўргатиб борди.
Устоз ўз шогирдига, иш бошлаганда асло шошма-шошарликка йўл қўймаслик, одамлар билан муомалада ибратли ва шифоли бўлишга интилиш, гиёҳлардан тайёрланган дориларга шахсан жавобгар эканини унутмаслик, келажакка интилиб ишлаш, узоқ-яқиндан келган беморларнинг муолажадан кўнгли тўлиб, рози бўлиб қайтиши кераклигини қатъий тайинлаган.
Табиб Толиб ака табиий ўтлардан дори тайёрлашда хийла суяги қотган, кўзи пишган инсон эди (У кишини Аллоҳ ўз раҳматига олсин). Мен у инсондан умрим охиригача розиман, - деб эслайди шогирд Шамсиддин Мирзаев. Мен у инсон билан бирга юрдим, бирга турдим. Олай тоғ тоғ тизмаларидан, Попон, Хўжа Келин тоғларидан дори-дармонбоп гиёҳлар тўплаб, уларни тайёрлашни ўргандим. Аввалига анча-мунча камчиликларга йўл қўйган кунларим устозим хатоларимни тўғрилаб, кейин танбеҳ берган кунлари ҳам бўлган. Бундан мен асло хафа бўлмаганман. Табиблик ўта мураккаб ҳамда хайрли касб, деб биламан. Устозим бу ишда доимо ҳушёрлик кераклигини эслатиб турар эди. Мен ҳозир ҳам дори-дармон тайёрлашда устозим кўрсатган йўл-йўриқларга, усулларга аниқ риоя қиламан.
Табиб Шамсиддин ҳузурига келган ҳар қандай беморларга уларнинг касаллик варақаси, УЗИ натижасига қараб сўнг ўз ташхисини қўяди.
Айтайлик, сариқ касали, унинг олди олинмаса оқибати анча оғир кечиши мумкин. Бунинг олдини олиш учун масалан турмуш ҳаётимизда ишлатилувчи оддий турпдан фойдаланиш мумкин. Уни баргининг суви сариқ касални хайдайди. Ундан ташқари кийик ўти, шалфия, эшончой кабиларни қайнатиб ичилса ҳар қандай касалга даво ва шифо бўлади, дейди табиб.
Қирғизистон тоғли ўлка. Уларда ўсиб, бўй чўзаётган гиёҳлар юзлаган, минглаган инсонлар дардига малҳам бўлади.
Шундай ўлкада яшаб, ишлаб ўлкамизнинг ривожланишига баҳоли қудрат хисса қўшаётганимиздан миннатдормиз.
Ашурали Бобоқулов
Қорасув шаҳри