"Қонун ва Тартиб" ҳуқуқни ҳимоя қилиш ташкилоти миллий озчилик вакилларига ҳуқуқий ёрдам бериш билан шуғулланиб келади. Такшилот раҳбари Иззатилло Рахматуллаев июнь воқеаларининг жароҳатларини даволаш ва келгусида бу каби муаммоларнинг юзага келмаслиги учун қўйилиши зарур бўлган қадамлар борасида "Биз"нинг мухбири билан суҳбат қурди. Миллатлар аро алоқаларни мустаҳкамлаш учун жамият нималарга тайёр бўлиши керак?
Бунинг учун биринчидан, шу жамиятда истиқомат қилаётган этник озчиликларга, чет эл ташкилотларига ишонч бўлиши керак. Иккинчидан, адолатли суд системаси ташкил этилиши керак. Учинчидан, ҳуқуқни ҳимоя қилиш органлари ҳам адолатли бўлиши керак. Ана шундагина жамиятимизда доим тинчлик барқарорлик ҳукм суради деган фикрдаман.
Июн воқеасининг қайталанмаслиги учун кечиктириб бўлмайдиган ишлар қаторига нимларани қўшасиз?
Энг аввало миллатлар аро жанжал нимадан келиб чиқади, бунинг илдизи қаерда шуни ўрганишимиз керак. Кейин шунга барча биргаликда курашиши керак. Бунинг учун ҳукумат, жамият, оддий аҳоли барча бир ёқадан бош чиқармоғи зарур. Бу ерда ижтимоий, иқтисодий, миллатлар аро муамолар ва тенгсизликлар бор. Буларнинг барчасини мутаҳассислар ўрганиб, жанжал сабаблари ўрганилгандан кейин бунга даво чоралари изланиши керак. Битта-иккита муаммони айтиб туриб, биз шуларни ҳал этсак тинчлик бўлади дейиш бу нотўғри иш. Миллатлар аро муаммоларни ҳал этишда энг кичиги ҳисобланган ижтимоий муаммолардан бири ишсизликни бартараф этиш керак. Бундан ташқари ҳар бир одам кўча-кўйда юриш-туришини, ўзини тутишни билиши, дўстона муносабатларни мустаҳкамлаши зарур. Ана шундагина биз олдимизга қўйган мақсадларга аста-секинлик билан эришишимиз мумкин.
Миллатлар дўстлигини мустаҳкамлашга Инсон ҳуқуқлари химоячиси сифатида ёки айтайлик оддий фуқаро сифатида сиз қандай ҳисса қўша олишингиз мумкин?
Биз 2010-йилдан аввал ҳам, ҳозирги кунда ҳам этник озчиликларга ҳуқуқий ёрдамлар кўрсатар эдик. Бу воқеалардан кейин эса, икки халқ вакилларининг бир стол атрофида бирлаштиришга ҳаракат қилдик. Турли тадбирлар ўтказдик, сумалаклар қилиб бердик. Миллатлар аро дўстликни мустаҳкамлашда аста - секин қўлдан келганча ҳаркатлар қилдик. Ўқувчилар орасида, ёшлар,аҳоли пунктлари, квартал комитетларида учрашувлар ташкил этдик. Бир-биридан олислашиб кетган икки халқни яқинлаштиришдик. Менимча барча кўрилган чоралар ўз самараларини берди. Мана ҳозирги кунда барча ўз иши билан тинч истиқомат қила бошлади.
Хилола Ашурова