Миллий ҳавфсизлик бўйича давлат қўмитаси қўшиқчи Бек Борбиевга расмий огоҳлантириш берди. Бу ҳақда "Азаттиқ"қа МҲДҚнинг вакили Рахат Сулайманов билдирган.Унинг айтишича Борбиевнинг интернетда ёзган сўзлари бўйича филологик экспертиза натижалари чиққан. Таҳлил натижаларига кўра қўшиқчига расмий огоҳлантириш берилган.
Борбиев 5-майда ижтимоий тармоқ орқали Қирғизистондаги алоқа операторларининг ўзбек тилида хизмат кўрсатаётганидан ўз норозилигини билдирган. Бундан хафа бўлган қўшиқчи интеренет саҳифасида уяли алоқа оператори ўзбек тилида хизмат кўрсатишни тўхтатмаса, бунга қарши акция уюштиришини билдирган эди.
МҲДҚ буни миллатлар аро айирмачиликка унчалик катта бўлмаган чақириқ деб баҳолаган. Шунингдек, агар қўшиқчи яна бир бор шундай маънода билдирув тарқатса унга нисбатан жиноий иш очилиши мумкинлигини билдирган.