Ўшда “Энди нима
бўлади?” деб номланган кино олина бошланди. «Oriental» студияси томонидан
суратга олинаётган мусиқий-комедия жанридаги фильмга қўшиқчи ва бастакор Анди
(Абдурахим Дадажонов) режиссёрлик қилмоқда.
“Бу бизнинг учинчи
филмимиз бўлади. Аввал, “Севги садоси” ва “Салом, муҳаббат ” деб номланган кино
олгандик. Тўғри, профессионал кино эмасди булар. Аммо, ўша тажрибаларимизни
бойитган ҳолда навбатдаги кинога харакат бошладик. Ҳозир техникалар ҳам
ривожланиб кетди”, дейди фильм
режиссёри.
Унинг айтишича кино ортидан бироз маблағ
тўплаш мумкин, бироқ жамоа фильмнинг катта даромад келтиришидан унчалик умидвор
эмас.
Ижодкорлар фильмни
ишлашда имкон қадар беъманиликдан қочишни режалаштиришган. Шу билан бирга
кулгига кўпроқ эътибор қаратилади.
Фильмнинг тақдимот
маросими Қурбон хайити кунига мўлжалланмоқда.