Қирғизистоннинг Евро Осиё иқтисодий ҳамжамиятига кириши бўйича шартномалар 1-июлда якунланиши кутилмоқда. Бунинг ортидан мигрантлар үчүн белгиланган имтиёзлар кучга кириши кутилмоқда. Бироқ имтиёзлар орасида қирғизистонлик муҳожирларнинг энг катта муаммоларидан бири - «қора рўйхат» масаласи хал этилмади.
Ҳозирги вақтда Россия «қора рўйхат»ида 77 минг қирғизистонлик қайд қилинган бўлса, яна 200 мингга яқин юртдошларимиз турли қонунбузарликлар сабаб бу рўйхатга номзод сифатида турибди. Бу вазиятда эса Россияда ишлаётган жами 500 минг атрофидаги қирғизистонликларнинг тенг ярми ЕОИҲга кирганимиз билан, Россия федерацияси ҳудудига
киролмай қолиши мумкин.
Муаммони хал қилиш мақсадида Кирғизистон хукумати «қора рўйхат»га кирган фуқароларни жарима пули тўлаш эвазига рўйхатдан чиқаришни таклиф қилишди. Бироқ, қонунга тўғри келмаслиги сабабли иккинчи томон розилик бермаган.
4-июнь куни ўттизга яқин нодавлат ташкилотлар ҳамда давлат идоралари вакиллари иштирокида Жалолобод шаҳрида бўлиб ўтган йиғинда ҳам муҳожирларнинг имтиёз масалалари борасида сўз юритилди.
Йиғинда иштирок этган Меҳнат, миграция ва ёшлар министрининг ўринбосари Акилбек Асанбаевнинг айтишича, июлдан бошлаб, иттифоққа кирган аъзо давлатларнинг фуқаролари аъзо ўлкаларда 30 кунгача рўйхатсиз юришлари мумкин. Қисқа муддатга кирган фуқаро аввалгидек миграция қоғозини тўлдирмайди. Мигрантлар бўлса, ишга рухсатсиз, тўғридан тўғри киришлари мумкин. Патент олиш ҳам керак эмас.
Лекин, айти вақтда 4-июнь куни Бишкекда ЕОИҲ масалаларига бағишлаб ўтказилган йиғинда Қирғизистоннинг иттифоққа қўшилиши бўйича тузилган гуруҳнинг жавобгар котиби Федор Черницин Россия қирғизистонлик меҳнат муҳожирларини тарих имтиҳонидан озод қилганини. Бироқ улар рус тили ва қонун бўйича тестдан ўтишлари кераклигини билдирган.
«Азаттиқ»нинг ёзишича қирғизистонликларга берилган имтиёзларга кўра, муҳожирлар Россия ҳудудида ҳалқаро паспорт билан эмас, ID card билан юришга ҳақли.
Шундай қилиб, узоқ кутилган ЕОИҲ муҳожирларимизга катта паспортни кўтариб юрмаслик, битта имтиҳондан қутилиш ва ўттиз кун иттифоққа аъзо давлатлар ҳудудида айланиб келиш имкониятини бермоқда. Қолгани эса, эски ҳаммом, эски тос.
Ҳозирги вақтда Россия «қора рўйхат»ида 77 минг қирғизистонлик қайд қилинган бўлса, яна 200 мингга яқин юртдошларимиз турли қонунбузарликлар сабаб бу рўйхатга номзод сифатида турибди. Бу вазиятда эса Россияда ишлаётган жами 500 минг атрофидаги қирғизистонликларнинг тенг ярми ЕОИҲга кирганимиз билан, Россия федерацияси ҳудудига киролмай қолиши мумкин.
Муаммони хал қилиш мақсадида Кирғизистон хукумати «қора рўйхат»га кирган фуқароларни жарима пули тўлаш эвазига рўйхатдан чиқаришни таклиф қилишди. Бироқ, қонунга тўғри келмаслиги сабабли иккинчи томон розилик бермаган.
4-июнь куни ўттизга яқин нодавлат ташкилотлар ҳамда давлат идоралари вакиллари иштирокида Жалолобод шаҳрида бўлиб ўтган йиғинда ҳам муҳожирларнинг имтиёз масалалари борасида сўз юритилди.
Йиғинда иштирок этган Меҳнат, миграция ва ёшлар министрининг ўринбосари Акилбек Асанбаевнинг айтишича, июлдан бошлаб, иттифоққа кирган аъзо давлатларнинг фуқаролари аъзо ўлкаларда 30 кунгача рўйхатсиз юришлари мумкин. Қисқа муддатга кирган фуқаро аввалгидек миграция қоғозини тўлдирмайди. Мигрантлар бўлса, ишга рухсатсиз, тўғридан тўғри киришлари мумкин. Патент олиш ҳам керак эмас.
Лекин, айти вақтда 4-июнь куни Бишкекда ЕОИҲ масалаларига бағишлаб ўтказилган йиғинда Қирғизистоннинг иттифоққа қўшилиши бўйича тузилган гуруҳнинг жавобгар котиби Федор Черницин Россия қирғизистонлик меҳнат муҳожирларини тарих имтиҳонидан озод қилганини. Бироқ улар рус тили ва қонун бўйича тестдан ўтишлари кераклигини билдирган.
«Азаттиқ»нинг ёзишича қирғизистонликларга берилган имтиёзларга кўра, муҳожирлар Россия ҳудудида ҳалқаро паспорт билан эмас, ID card билан юришга ҳақли.
Шундай қилиб, узоқ кутилган ЕОИҲ муҳожирларимизга катта паспортни кўтариб юрмаслик, битта имтиҳондан қутилиш ва ўттиз кун иттифоққа аъзо давлатлар ҳудудида айланиб келиш имкониятини бермоқда. Қолгани эса, эски ҳаммом, эски тос.
Даврон Насибхонов