DJ
Азикдан хазил қўшиқлар давомийлиги
 |
| DJ Азик |
Радио бошловчи, мусиқий сайқалчи ҳамда қўшиқчиликда ҳам
ўз мухлисларини топиб улгурган ўшлик ёш ижодкор DJ Азикнинг “Уйланаман” деб
номланган янги қўшиғи тайёр бўлди. Бу қўшиқ ҳам аввалги “Севаманда 2” каби
хазил қўшиқлар сирасига киради.
Илк ижодини “Тақдир”, “Айб кимда” ёки “Дунё ишлари”
каби ғамгин ва муаммоли қўшиқлар билан бошлаган DJ Азик аста-секин “Мени
Матизим”, “Бўйдоқман” каби хазил қўшиқларга ўз ижодидан жой ажратмоқда. “Уйланаман” қўшиғини мухлислар қандай кутиб олади? Яқинда
ўзингиз бунинг гувоҳи бўласиз.
АУРЕЛЬ
ЭНДИ ҚЎШИҚ АЙТМАЙДИ
 |
| АУРЕЛ |
Ўзгача йўналиш, ўзгача оҳанги билан ўшлик
санъаткорлар орасида ажралиб турган Аурель энди қўшиқ айтмоқчи эмас. У
ижрочиликдан кўра бошқалар учун қўшиқ яратишни афзал кўрмоқда.
“Армон дема”, “Сени эслаб”, “Жим” каби таронлари орқали
танилган Аурель қўшиқ айтишни тарк этишдан аввал сўнги яккахон концертини тақдим
қилмоқчи. Концерт янги йилнинг илк ойларига мўлжалланмоқда. Аурелнинг илк
яккахон концерти мухлислар томонидан жуда илиқ қарши олинган эди.
 |
| Илхом Ахмад |
Илҳом
Аҳмад икки кун концерт бермоқчи
Илҳом Аҳмаднинг яккахон концертини бу йил Ўш шаҳрида
ўтказилган концерт дастурлари ичида энг муваффақиятлиси дейиш мумкин. Айниқса,
дастурдан ўрин олган мақом йўналишида айтилган ҳамда Шавкат Раҳмонга аталган қўшиқлари
мухлисларига манзур бўлди. Бу концертда “Бобур” театрида хатто тик туриб
кўришга ҳам жой топилмади. Бундан илҳомланган Илҳом кейинги йилнинг апрель
ойига мўлжалланган концерт дастурини икки кунга узайтирмоқчи. Шу вақтга қадар
ўшлик ёш қўшиқчилар ичида икки кун концерт берганлар бўлмаган.
“Ҳозирданоқ бу концертга тайёгарликларни бошлаб
юбордик. “Жонимдасан”, “Севгилим”, “Ватан” каби қўшиқларимиз тайёр бўлди.”,
дейди қўшиқчи.