23.02.2016
13.02.2016
“Она, мени ҳожатхонага нега ташлагансиз?”
Болалар турли саволларни бериб, ота-оналарини ноқулай вазиятларга кўп солиб туришади. Лекин, вақтики келиб, сарлавҳага олиб чиқилган саволни онасига бераётган болани тасаввур қила оласизми? Она бунга нима деб жавоб беради? У пайтлар қашшоқлик эди, уруш эди дейдими? Ахир хатто шундай дамларда ҳам оналар болаларига бу қадар тақдирни раво кўрмаганлар-ку!
Бироқ, бизнинг давримизга келиб, одамлардан ҳар нарсасини кутиш мумкин бўлиб қолди, афсуски. Буни сиз ҳам эшитиб, кўриб гувоҳи бўлиб келаётгандирсиз. Хабарларда тинмай ёш болаларга зўравонлик қилганлар, зўрлаганлар, калтаклаганлар, ташлаб кетганлар ва хаттоки сотиб юборганлар тўғрисида ёзилмоқда. Дахшатли хабарлардан бири мана будир:
“Жалолобод вилояти Тўқтоғул туманида она ўз чақалоғини хожатхонага ташлаб юборди. Бу ҳақда ҚР ФҲВ матбуот хизмати маълум қилди.
Ундаги маълумотларга кўра, кеча соат 21.47 да маҳаллий яшовчи Майрам Эргешева ҳожатхонада бола йиғисини эшитган ва зудлик билан 112 хизматига қўнғироқ қилган. Воқеа содир бўлган жойга етиб келган №97-ёнғин-қутқарувчилар ходимлари болакайни у ердан чиқариб олишган ва тиббиёт ходимларига беришган.
"Гўдак онасининг шахси аниқланди, у 1992 йилда туғилган Сари-Согот қишлоғи яшовчиси бўлиб чиқди”, деб ёзилади маълумотда.
Кейинчалик маълум бўлдики, она бўлмиш, 2014-йили турмушга чиққан, уларнинг яна бир ярим яшар қизи бор. Хожатхонадан чиқариб олинган болага эса Марс дея исм беришди.
Марс эртага эсини таниб, “Она, нега мени чақалоқлигимда хожатхонага ташлагансиз?”, деб сўраса жавобни ким қаердан олади?
“Озодлик” тарқатган яна бир хабарда Москва вилоятининг Долгопрудненский шаҳрида эмизикли фарзандини сотган ўзбекистонлик аёл 5 йилга қамалгани айтилади.
Ёки бу хабарни ўқинг:
“Ўш шаҳар милициясининг билдиришича, боласини сотганликда гумонланиб қўлга олинган Садирбек исмли шахс 28 декабрда хотини касалхонада ётган бир пайтда, боласини кўтариб олиб, шаҳар кезиб харидор излаган. У боласини бир аёлга 30 минг сўмга сотиб, пулни чўнтагига солган пайтда қўлга тушди.”
Касб тақазоси билан бунга ўхшаган хабарларни тез-тез учратишга, булар ҳақида ёзишга мажбурман. Лекин, бир оддий одам қатори бунга ўхшаш воқеалар юракни титратади.
Бизга нима бўлаяпти!?
10.02.2016
Подписаться на:
Сообщения (Atom)